სპიტაკის მიწისძვრა

(სომხ. Սպիտակի երկրաշարժ; რუს. Спитакское землетрясение) — იყო 7.2 მაგნიტუდის მიწისძვრა, მოხდა 1988 წლის 7 დეკემბერს ადგილობრივი დროით 11:41 საათზე სომხეთის სპიტაკის რეგიონში, იმ დროისთვის საბჭოთა კავშირის ნაწილი.

ადგილობრივი ინფრასტრუქტურა (განსაკუთრებით სკოლები და საავადმყოფოები) მიწისძვრისთვის მოუმზადებელი აღმოჩნდა, რის გამოც თითქმის 25.000 ადამიანი დაიღუპა. შენობათა უმრავლესობა დაბალი სეისმომედეგობის იყო. თვითმხილველთა ვარაუდით მიწისძვრა 10 წუთით გვიან რომ მომხადრიყო ბავშვები სტრუქტურულად არასაიმედო სკოლებიდან გამოსული იქნებოდნენ და დაღუპვას გადაურჩებოდნენ.

სრულიად დაინგრა ქალაქი სპიტაკი და 58 სოფელი მის გარშემო; ნაწილობრივ დაინგრა ქალაქები ლენინაკანი, სტეპანავანი, კიროვაკანი და დაახ. 400 დასახლებული პუნქტი. 514 ათასი ადამიანი უსახლკაროდ დარჩა.
   წყარო იხილეთ აქ